ബീ്ഡ്‌ന സുത്താപ്പ് മാഡ്‌വാദെത്ത

അഗാളി: സന്തെറാവെ ബീ്ഡ്ക്കാഡ്ന ഒഡിക്കി
അണിമാഡുഡൊ. ബീ്ഡ്‌ല സട്ടി സ്‌ഡെഗാള്‌ന
സൊക്കനകച്ചുഡൊ. കളക്കാഡ്‌ന സൊക്കന ഒഡിക്കി
പഡിക്കി അണിമാഡുഡൊ.ബീ്ഡ്കുളാക്ക്
തുപ്പുവാദ്‌ക്കില്ലെ.ബീ്ഡ്കുളാക്ക് താനെ നീര്
സൂസുവാദ്ക്കില്ലെ. കളകാഡ്ക്ക്റാഗ കോലു കൊണി സീലെ
കൊത്ത് കൊറിഗാള്‌ തേങ്കായി തൊട്ടിഗാള്‌ പലളിയ
സട്ടിഗാള് റബ്റ്കുപ്പിഗാള്‌ ഇദ്‌ഗാളെല്ല
ബെക്കുവാക്കില്ലെ. ഇദ്ഗാള്‌നെല്ല പൊറുക്കി ദൂര
തളളുഡൊ. ഇല പോന തീക്കി സുട്ട് തളളുഡൊ. ബീ്ഡര്ഗെ
ഗുബിക്ക് ഉച്ചേക്ക് പോവാദ്ക്കില്ലെ. ആഡ്‌മാഡ്‌ഗാള്‌ന
ബീ്ഡര്‌ഗെ കെ്ട്ടവാദ്ക്ഇല്ലെ. കോയിഗാള്‌ന ബീ്ഡ്കുളാക്ക്
കൂഡുസുവാദ്ക്കില്ലെ. ബീ്ഡ്കാഡ്‌ലവാര്മ് സുത്താപോഡ
ഇര്‌ക്കുഡൊ. സന്തെ റാവെ നീരാഡുഡൊ. എ്ണ്ണെ
ഇക്കുഡൊ. കയ്യികാല്‌ ഒയിര്ന ബ്ട്ടിതളളുഡൊ.
എ്ഡേക്ക്ഡേക്ക് ബീ്ഡ് ദെ്ണെഗാള്‌ന ഉജ്ജി അണിമാഡ്‌ഡൊ.
( ചിണ്ടൻ . തുടുക്കി)